- Advertisement -

Illugi: „Hef undanfarna mánuði legið undir ámæli í sundlaugunum, verið skammaður í matvörubúðunum og litinn hornauga á götum úti“

Illugi Jökulsson segir að „undanfarna mánuði hef ég legið undir ámæli í sundlaugunum, ég hef verið skammaður í matvörubúðunum og litinn hornauga á götum úti.“

Og hver skyldi ástæðan vera fyrir skömmunum og ámælunum?

Jú, fólk saknar dóttur Illuga, Veru, sem skemmt hefur landsmönnum og frætt þá um leið með mögnuðum útvarpsþáttum.

Vera Illugadóttir.

Og Illugi staðfestir það:

„Dyggum hlustendum Veru dóttur minnar hefur þótt sem ég hljóti að bera einhvers konar ábyrgð á að langt er síðan nýir þættir af Í ljósi sögunnar heyrðust á Rás 1, eða það væri altént kjörið að skeyta skapi sínu á mér fyrir skortinn sem hefur plagað fólk undanfarið.“

Og nú fer að birta til í lífi Illuga, sem væntanlega getur gengið nokkuð óhultur um götur Reykjavíkurborgar án þess að vera skammaður.

„Það er því ekki síst sjálfum mér til léttis sem mér er ánægja að tilkynna: VERA ER KOMIN AFTUR!“


Tengdar fréttir sem þú gætir haft áhuga á að lesa: