- Advertisement -

Kjánaprik eða steluþjófur

Leiðari Það verður að segjast að Áslaug Arna Sigurbjörnsdóttir á afleik síðustu viku. Annað hvort er hún kjánaprik eða steluþjófur. Kannski hvorutveggja.

Áslaug Arna er ekki bara kona, ekki bara ung, hún hefur líka þáð að taka á sig talsverða ábyrgð. Með því að þiggja þingsæti og síðan formennsku í allsherjar- og mennamálanefnd Alþingis. Hún breytti rangt. Hvort það var fyrir kjánaskap eða hvort hún hafi vísvitandi og yfirvegað ætlað að stelast til að horfa á það sem þarf að borga fyrir veit ég ekki. Mér finnst mega gefa henni að hún hafi verið bara verið kjáni.

Íslenskir stjórnmálamenn komast upp með margt. Kjánaskapurinn, eða hvað það var sem rak Áslaugu Örnu áfram, er minni yfirsjón en margt annað sem hefur rekið á fjörur okkar. Samt er það svo að hún mun burðast með þetta í einhvern tíma. Kannski hefur það sem hún gerði eyðilagt fyrir henni möguleika á að verða næsti varaformaður Sjálfstæðisflokksins. Eða hvað? Þar á bæ hafa menn marga fjöruna sopið svo óvíst er að henni verði refsað þar á bæ.

Það er bannað að stelast en alls ekki að vera kjáni. En samt. Einu sinni kjáni, ávallt kjáni.

Þú gætir haft áhuga á þessum

Sigurjón M. Egilsson.


Auglýsing

Tengdar fréttir sem þú gætir haft áhuga á að lesa: