- Advertisement -

Lækkun og afnám tolla bætir hag launafólks

Jóhann Páll Jóhannsson Samfylkingu skrifaði:

„Háir tollar vinna gegn þeim gríðarlega ábata sem þjóðir hafa af alþjóðaviðskiptum, fela í sér allratap og eru afleit tekjuöflun: tekjur hins opinbera af tollum eru alla jafna miklu minni en sá ábati sem neytendur og framleiðendur verða af vegna þessara viðskiptahindrana.

Þetta veit verkalýðshreyfingin, þetta vita atvinnurekendur og þetta vita jafnaðarmenn sem hafa leikið risastórt sögulegt hlutverk þegar kemur að því að ryðja viðskiptahöftum úr vegi og liðka fyrir frjálsum alþjóðaviðskiptum. Getum verið stolt af þeirri arfleifð.

Árið 2022 hafði ég forgöngu um það, ásamt Guðrúnu Hafsteinsdóttur þingmanni Sjálfstæðisflokksins, að ofurtollurinn af frönskum kartöflum var lækkaður mjög rækilega – sem þýðir að 76% Íslandsmetið í tollheimtu heyrir nú sögunni til. Hænuskref í rétta átt.

Vonandi verða stigin miklu miklu stærri skref á árinu 2023 til lækkunar og afnáms tolla í þágu neytenda og fyrirtækja.“


Tengdar fréttir sem þú gætir haft áhuga á að lesa: