Árni Magnússon, fyrrum þingmaður og ráðherra, skrifaði eftirfarandi:
Fyrir þremur árum greindist ég með krabbamein í hálsi og þurfti í erfiða meðferð við því, bæði lyfja- og geislameðferð. Hún tók mikinn toll, t.d. missti ég fjórðung líkamsþyngdar og þótt ég tryði því alltaf að ég hefði sigur var stundum ansi lágskýjað.
Ég var svo lánsamur að rata inní Ljósið strax við greiningu og get aldrei fullþakkað þá víðtæku þjónustu og alúð sem ég naut þar, bæði líkamlega og andlega. Það er í mínum huga enginn vafi á því að einmitt þess vegna komst ég í gegnum meðferðina með þeim hætti sem ég gerði og náði mér fljótt á strik.
Ljósið sinnir lykilhlutverki í okkar samfélagi og því miður eru alltaf fleiri og fleiri sem greinast með krabbamein. Alltaf fleiri og fleiri einstaklingar sem Ljósið grípur. Alltaf fleiri fjölskyldur sem fá von vegna þeirrar umönnunar sem fólkið þeirra fær hjá Ljósinu.
Ég ætla að spara stóru orðin gagnvart stjórnvöldum. En þetta látið þið ekki gerast. Ekki á ykkar vakt.
Fyrirsögnin er Miðjunnar.
