Leiftursókn gegn lífskjörum og Mogginn

Útgerð Morgunblaðsins á lögheimili í Borgartúni 35 í Reykjavík. Í því húsi eru einnig til húsa aðrir helstu og frekustu lobbýistar landsins. Þar er unnið að næstu aðför að vinnandi fólki. Leiftursókn gegn lífskjörum. Mogginn er settur í það hlutverk að „þukla“ á samfélaginu. Kanna hversu hratt og hversu langt er hægt að ganga í fyrstu lotu. Það tókst að berja flugfreyjur á bak aftur. Unnið er að því að leggja sjómenn á Herjólfi. Þar miðar vel.

Í báðum tilfellum var beitt áður óþekktum aðferðum. Lög voru víst brotin í aðförinni að  flugfreyjunum. Aðgerðin heppnaðist. Nú er verið að berja niður sjómennina. Og miðar vel.

Mogginn er sem fyrr brúkaður sem undanfari aðgerðanna. Nokkurskonar héri. Í dag leitar hann stuðnings í Hagsjá Landsbankans. Í leiðara segir:

Takmark leiftursóknarinnar er augljós.

„Í Hag­sjánni seg­ir að það sé nýtt í stöðunni, „að sam­tök at­vinnu­rek­enda gætu séð sér hag í að segja samn­ingn­um upp. Ljóst er að marg­ar lyk­il­for­send­ur sem upp­haf­leg­ir samn­ing­ar byggðust á hafa brugðist eft­ir að áföll vegna far­ald­urs­ins tóku að dynja á hag­kerf­inu. Tölu­verð óánægja heyrðist úr her­búðum at­vinnu­rek­enda vegna áfanga­hækk­ana launa í apríl, sem ein­hverj­ir vildu fresta eða minnka. Næstu áfanga­hækk­an­ir eru 1. janú­ar 2021 og má vænta þess að umræða komi upp hversu mik­il inni­stæða verði fyr­ir þeim hækk­un­um“.“

Takmark leiftursóknarinnar er augljós. Unnið verður gegn lífskjörum. Aðstæður til þess er óvenju góðar. Lobbýistarnir í Borgartúni búa að því að núverandi ríkisstjórn er þeim hliðholl. Er með þeim í liði. Það munar um minna.

Staksteinar eru einnig brúkaðir í vegferðinni: „ASÍ náði völd­um og áhrif­um í sam­fé­lag­inu á síðustu öld með sam­vinnu við hægrimiðjuna sem er ráðandi í ís­lensku sam­fé­lagi. Ef ASÍ seg­ir sig frá þeirri sam­vinnu er úti um verka­lýðshreyf­ing­una.“ Þetta verður ekki misskilið. Skilaboðin eru skýr.

Í leiðaranum er þetta að finna: „Þrátt fyr­ir það verður að halda í von­ina um að aðilar vinnu­markaðar­ins setj­ist fljót­lega niður og semji um end­ur­skoðun samn­inga sem tryggi sem flest­um störf og að kjara­bæt­ur síðustu ára verði varðar eft­ir því sem unnt er.“

Segir þá ekki meira að „hérahlutverki“ Moggans í dag. Það er alvara á ferðum. Leiftursóknin gegn lífskjörunum er hafin.

Sigurjón Magnús Egilsson.