- Advertisement -

Lúsmý lætur landann ekki vera: „Með eina 7 ára sem er að tryllast úr sviða og kláða“ – „Myndi leita til hómópata!“

Umræða um lúsmý er mikil þessa dagana á Íslandi, enda núna tími sumarfría og margir á ferðinni í tjöldum og bústöðum út um allt land.

Og lúsmý lætur landann ekki í friði.

Arna í Facebook-hópnum Lúsmý á Íslandi skrifar færslu sem ber yfirskriftina: Lúsmý og börn.

Hún spyr:

„Hvað finnst ykkur virka best? Er með eina 7 ára sem er að tryllast úr sviða og kláða. Búin að prófa moskinto plástur, kalamín, kláðastillandi krem úr gamla apótekinu og bera olíublöndu fyrirbyggjandi en hún er samt bitin. Einhver með auka ráð uppi í erminni? Henni finnst ekkert af þessu virka. Elskum að fara í útilegur en það liggur við maður fari að slaufa þeim útaf þessu viðbjóðs lúsmýi.“

Ýmsir koma með ráð og leiðbeiningar.

Ragnar segir einfaldlega:

„Sterkt b vítamín. Ég er allavega aldrei bitinn.“

Ingibjörg ráðleggur Örnu að „tala við lækni eða hjúkrunarfræðing í apótekinu og athuga hvort hún má fá ofnæmislyf fyrir svefn! Það hjálpar henni helling, því ofnæmislyf slá líka á kvíða!

Ég fékk mér sprey sem heitir Jungle og er mjög sterkt! Spreyja því á mig og fæ alveg frið! Ég keypti það reyndar erlendis en veit að það fæst heima! Og svo Lavender! Hann hjálpar mikið, það hefur verið skrifað töluvert um notkun á honum hér á síðunni, svo ef þú setur lavender sem leitarorð, þá ætti að koma upp þræðir um lavender.

Og ef þetta væri mitt barn að þá myndi ég leita til hómópata! Það eru svo æðislega mildar og góðar remedíur sem eru notaðar, get mælt með Guðnýju Ósk Diðriksdóttur! Hún er frábær og með mikla reynslu.“

Guðrún gefur líka ráð:

„Setja heita skeið á bitin. Passa samt að skeiðin sé ekki það heit að hún brenni.“

Ester spyr:

„Búin að bera Burn free á bitin? Sofa í sængurveri reynist mér best. Ég bý í sumarbústað og eitra glugga að utan og er með viftur líka. Best að kveikja eld ef þú situr úti.“

Ágústa vill meina að málið sé „Tea tree olía.“


Tengdar fréttir sem þú gætir haft áhuga á að lesa: