- Advertisement -

Mikil er niðurlæging Sigurðar Inga

Sigurður Ingi er með rúmt kok. Hann hefur kokgleypt margt til að flokkurinn hans og hann fái að vera með í ríkisstjórninni. Prinsippmál, loforð og markmið hafa ratað niður um kokið á honum það ár sem ríkisstjórnin hefur verið við völd.

Flest það hefði staðið í koki flestra, en ekki í koki Sigurðar Inga. Fljótt á litið hefur hann aðeins náð einu fram það ár sem hann hefur verið þriðja hjóli undir vagni einnar óvinsælustu ríkisstjórnar þjóðarinnar. Vinkona hans er nú vegamálastjóri.

Það síðasta sem Sigurði Inga var gert að gleypa var samgönguáætlun Jóns Gunnarssonar, fyrrverandi samgönguráðherra. Jón er sestur í formannsstól samgöngunefndar og hefur á stuttum tíma hafnað markmiðum Sigurðar Inga og tekið fram sína eigin áætlun.

Áætlun sem Sigurður Ingi og fleiri höfnuðu alfarið þegar Jón barðist fyrir henni í tíð síðustu ríkisstjórnar. Þá sagði Sigurður Ingi; það þarf ekki að hækka skatta, það þarf ekki alltaf að hækka skatta. Nú er Jón kominn heim, eftir að hafa farið um land allt og boðað sína eigin samgönguáætlun. Áætlun sem Sigurður Ingi barðist gegn. Hann kemur nú fram og talar máli Jóns, Jóns sem öllu ræður í samgönguáætlun.

Þú gætir haft áhuga á þessum

Forsætisráðherra þykir sýnilega nóg um og hefur frestað málinu fram yfir áramót.

Aumara getur staða flokksformanns í ríkisstjórn ekki orðið, en staða Sigurðar Inga.


Booking.com

Auglýsing

Tengdar fréttir sem þú gætir haft áhuga á að lesa: