Milljarða hagur af þurrð ferðaþjónustu

Það eru ekki bara einsfulltrúa flokkarnir þrír, Sósíalistaflokkur, Miðflokkur og Flokkur fólksins, sem eru í minnihluta borgarstjórnar. Þar er líka Sjálfstæðisflokkur. Innan hans er ófriður.  Það er annað mál.

Hildur Björnsdóttir er númer tvö. Kemur næst  á eftir Eyþóri Arnalds. Hildur skrifar í Mogga dagsins  og skýtur á Dag B. Eggertsson borgarstjóra..

„Ný­lega birti Reykja­vík­ur­borg niður­stöður ábata­grein­ing­ar vegna ferðaþjón­ustu í Reykja­vík. Komst borg­in að þeirri niður­stöðu að kostnaður Reykja­vík­ur af ferðamönn­um næmi 8,3 millj­örðum króna ár­lega um­fram tekj­ur. Blaut tuska í and­lit at­vinnu­grein­ar sem skil­ar meiri gjald­eyris­tekj­um en sjáv­ar­út­veg­ur­inn og stóriðjan sam­an­lagt. Þúsund­ir starfs­manna ferðaþjón­ustu sitja und­ir þeim þunga krossi að vera álitn­ar fjár­hags­leg­ur baggi á borg­inni.

Að venju er auðvelt að hrekja töl­fræðiæf­ing­ar borg­ar­stjóra. Árið 2015 greindi Deloitte op­in­ber­ar tekj­ur og gjöld vegna ferðamanna. Var­lega áætlaðar niður­stöður þess árs sýndu 11 millj­arða nett­ó­tekj­ur sveit­ar­fé­laga af ferðamönn­um. Frá þeim tíma hafa tekj­urn­ar auk­ist jafnt og þétt.“

Hildur skrifar: „Borg­ar­stjóri er vissu­lega í vanda með eigið töl­fræðiæv­in­týri. Full­yrðing­ar hans gefa til kynna að nú, þegar ferðaþjón­ust­an ligg­ur niðri, ætti hag­ur borg­ar­sjóðs að hafa vænkast sem sam­svar­ar 8,3 millj­örðum. Það kæmi sér sann­ar­lega vel – nú á þess­um viðsjár­verðu tím­um – ef rétt reynd­ist.“

-sme