- Advertisement -

Neikvæð viðbrögð stuðningsmanna Bjarna Benediktssonar

Einstaka ráðherra hefur hringt í landsfundarfulltrúa og tjáð þeim að það jafngildi vantrausti á ríkisstjórn og kosningum á erfiðum tímum að kjósa Guðlaug! Þetta er hreinn tilbúningur.

Einar S. Hálfdánarson skrifar grein í Fréttablaðið í dag. Fyrirsögnin er Sjálfstæðisflokkurinn þarfnast nýrrar forystu. Einar lýsi yfir stuðningi við Guðlaug Þór í formannsslagnum. Hér á eftir fer lokakafli greinarinnar.

Fyrirsgönin hér að ofan er sú sama og millifyrirsögn Einars er í greininni sjálfri.

Fyrrum aðstoðarmaður Bjarna Benediktssonar, Friðjón R. Friðjónsson, borgarfulltrúi og ráðgjafi Sjálfstæðisflokksins, brást illa við framboði Guðlaugs í Silfrinu. Mér hugnaðist illa að hann skyldi láta að því liggja að orð færi af því að Guðlaugur væri spilltur stjórnmálamaður. Hann hélt því blákalt fram að landsfundur flokksins hefði ályktað að Guðlaugur ætti að segja af sér vegna próf kjörsframlaga. Þetta eru helber ósannindi. – Er Friðjóni virkilega sætt eftir þetta?

Þú gætir haft áhuga á þessum

Að mínu mati hafa fylgismenn Bjarna Benediktssonar farið langt fram úr sér í viðbrögðum við framboði Guðlaugs. Og Bjarni að sínu leyti líka. Sjálfstæðismenn, allir sem einn, eiga að fagna þeim einstaka lýðræðislega viðburði sem landsfundurinn er. Einstaka ráðherra hefur hringt í landsfundarfulltrúa og tjáð þeim að það jafngildi vantrausti á ríkisstjórn og kosningum á erfiðum tímum að kjósa Guðlaug! Þetta er hreinn tilbúningur. Að hinu leytinu var yfirlýsing Bjarna um að hann yrði að hætta afskiptum af pólitík biði hann lægri hlut mjög svo vanhugsuð og sögð í hita leiksins. Hinir miklu hæfileikar Bjarna eiga áfram að geta nýst okkur í þágu þjóðarinnar hvor þeirra sem hefur betur. Ég skora á Bjarna, sem ég hef átt samskipti við og stutt dyggilega eins og hann getur vottað, að endurskoða hug sinn og draga þetta til baka

Diljá Mist Einarsdóttir, þingkona og fyrrum aðstoðarmaður Guðlaugs Þórs, er dóttir Einars S. Hálfdánarsonar.


Tengdar fréttir sem þú gætir haft áhuga á að lesa: