Sigurður Ingi Jóhannsson, ráðherra og formaður Framsóknarflokksins, skrifar greinarstúf í Fréttablaðið. Þar er flest nokkuð fyrirséð. Nema þetta, þar sem hann skammar Viðskiptaráð:
„Viðskiptaráð var helst til snöggt að leggja til niðurskurð hjá hinu opinbera og skerðingu á starfshlutfalli hjá opinberum starfsmönnum. Þetta kom auðvitað illa við það fólk sem nú stendur í eldlínunni við að berjast gegn útbreiðslu veirunnar á heilbrigðisstofnunum. Eru viðbrögð ráðsins í hróplegu ósamræmi við þá samstöðu og samvinnu sem ríkjandi er í samfélaginu.“
