- Advertisement -

Útslitnar á sál og líkama

Lögum þetta samfélag, svo við öll getum lifað mannsæmandi lífi!

Þuríður Harpa Sigurðardóttir skrifaði:

Við berum mikla virðingu fyrir okkar samstarfsfólki sem vinnur gríðarlega mikilvæg störf segir Dagur Bé. Mér finnst mjög skrítið að sjá að þessi mikla virðing hefur hingað til raungerst í 310.000 kr. fyrir skatt. En þetta er auðvitað bara fólkið sem fer í heimsreisurnar sem hefur verið á þessum launum.

Svo langar mig bara að minnast á að hér á landi eru meðallaun nú 630.000 kr. skv. minni vitneskju. Þannig að 570.000 kr. við lok samningstíma fyrir deildarstjóra á leikskóla…eftir einhver ár vænti ég. Það er auðvitað ekki ásættanlegt. Nýjustu rannsóknir sýna að 40% þeirra sem koma nýir á örorku eru konur yfir fimmtugt. Þær koma inn á örorku útslitnar á sál og líkama.

Þú gætir haft áhuga á þessum

Konur sem hafa jafnvel í áratugi unnið láglaunastörf, verið í tveim eða fleiri vinnum til að láta enda ná saman samhliða því að ala upp eigin börn. Þær hljóta að launum fyrir sína miklu og virtu vinnu í þágu gríðarmargra, örorkulífeyri að upphæð sirka kr. 250.000 kr. fyrir skatt á mánuði. Lögum þetta samfélag, svo við öll getum lifað mannsæmandi lífi!


Auglýsing

Tengdar fréttir sem þú gætir haft áhuga á að lesa: