- Advertisement -

Varúð, ekki fyrir viðkvæma!

Sólveig Anna skrifar: Vissuði að í Noregi er til blað sem heitir Stéttastríðið (Klassekampen)? Og að á hverjum degi lesa 97.000 norðmenn blaðið og að ef bætt er við þeim sem lesa á netinu lesa 138.000 norðmenn blaðið. Á hverjum degi!

Eruði ekki sjokkeruð og í öngum ykkar yfir ósómanum; fullt af fólki í Noregi vilji bara fá að lesa um pólitík og efnahagsmál út frá sjónarhorni og með orðanotkun stéttaátakanna?

Getur einhver plís látið Hörð Ægisson vita svo hann geti eitthvað tékkað á þessu? Hann skrifaði nefnilega á föstudaginn var þetta:
„Verkalýðshreyfingunni er nú stýrt af lýðskrumurum og fólki sem aðhyllist marxískar kennisetningar um viðvarandi stéttastríð milli atvinnurekenda og launafólks. Sameiginlega hafa þau vakið falsvonir á meðal almennings um að hægt sé að ná fram stórfelldum launahækkunum án þess að nokkuð muni gefa eftir. Í krafti valdastöðu sinnar sem leiðtogar helstu stéttarfélaga landsins hefur málflutningur þeirra, sem alla jafna ætti að afgreiða sem jaðarskoðun sem engum bæri að taka alvarlega, fengið mun meira vægi í almennri umræðu en þekkist á hinum Norðurlöndunum.“

Mér finnst bara ekki gott ef að svona radikalíseringar-áróður og jaðarógeð er að breiðast út svoleiðis að tugir þúsunda Norðmanna láta táldraga sig með úreltum tuggum því það endar bara með kollsteypu. Og hvað verður þá um olíusjóðinn? Þess vegna verður að grípa til ráða og ég treysti engum betur en Herði til að koma vitinu fyrir þessa afvegaleiddu norsku vesalinga.

Þú gætir haft áhuga á þessum

Booking.com

Tengdar fréttir sem þú gætir haft áhuga á að lesa: