Obbobobb, líka Jón Steinar

Með og á móti ályktun Mannréttindaráðs Sameinuðu þjóðanna.

Enn myndast glufa eða gjá milli Davíðs Oddssonar og hans tryggustu stuðningsmanna. Menn hafa hvatt Davíð til að leggja af, eða slá af, andstöðu sinni gegn forystu flokksins. Í Mogganum í dag skrifar góður vinur Davíðs, Jón Steinar Gunnlaugsson, þar sem hann viðrar allt aðra skoðun en Davíð hefur á Mannréttindaráði Sameinuðu þjóðanna og vilja meirihluta þess vegna þess sem er að gerast á Filippseyjum.

Davíð gefur ekki mikið fyrir Mannréttindaráðið, sem hann kallar heimsfurðuráð.

Jón Steinar: Ástæða er til að lýsa ánægju með þetta fram­tak Íslands á vett­vangi Sam­einuðu þjóðanna. Það til­heyr­ir grunn­regl­um í rétt­ar­ríkj­um að stjórn­völd beiti fólk ekki refs­ing­um nema að und­an­geng­inni málsmeðferð fyr­ir dómi, þar sem sak­born­ing­ar hafa óskert tæki­færi til að verj­ast ásök­un­um. Þessi rétt­indi eru núlif­andi Íslend­ing­um í blóð bor­in, enda snerta þau grund­vall­ar­mann­rétt­indi borg­ara í hvaða ríki sem er.

….í þessu heims­furðuráði…

Fagna skal því sem vel er gert. Ástæða er til þess nú.

Til­efni þessa fram­taks eru sam­felld­ar frétt­ir um að á Fil­ipps­eyj­um hafi stjórn­völd látið her­sveit­ir sín­ar taka borg­ara af lífi á göt­um úti án dóms og laga ef grun­ur hef­ur verið uppi um fíkni­efna­brot þeirra. Hef­ur mátt skilja að ekki hafi þurft her­sveit­ir til, held­ur hafi öðrum borg­ur­um verið heim­ilað að svipta menn lífi ef slík­ar sak­ir voru hafðar uppi.

Davíð Oddsson: „Áður var það sér­stak­ur út­send­ari Gaddafis sem stjórnaði þessu Mann­rétt­indaráði í kurt­eis­legu sam­starfi við út­send­ara frá Kúbu og Sádi-Ar­ab­íu. Þegar Banda­rík­in treystu sér ekki leng­ur að sitja eða borga til þess­ar­ar starf­semi hljóp Ísland til, ullaði á Banda­rík­in og tók upp merkið sem eng­inn ann­ar gat hugsað sér að taka upp. Skyldi hafa farið fram umræða um þetta í rík­is­stjórn­inni eða töldu ráðherr­ar að það væri elítan af orkupakk­inu sem sæti þarna í þessu heims­furðuráði og þar væri okk­ar önd­vegi? Það var jú angi af þess­um meiði sem úr­sk­urðaði að ís­lenska kvóta­kerfið bryti mann­rétt­indi Sam­einuðu þjóðanna og full­trú­ar Gadaffis og Bokassa for­seta eða annarra slíkra eðal­menna voru ekki í vafa um að ís­lenska furðumennið með hatt­inn hefði hitt nagl­ann á höfuðið í gegn­um hatt­inn í það sinnið.“