Borga réttmæt laun – með semingi þó

For­svars­menn Icelanda­ir hót­ela hafa tekið ákvörðun um að greiða starfs­fólki sem var á frívakt verk­falls­dag­ana 8. og 22. mars laun fyr­ir um­rædda daga í ljósi þess að Efl­ing og VR ætla ekki að greiða starfs­fólki á frívakt launam­issi. Greint hafði verið frá því að Icelanda­ir hót­el hefðu dregið laun af öllu því starfs­fólki sem ynni störf sem féllu und­ir verk­fallsaðgerðir stétt­ar­fé­laga í mars óháð því hvort það hefði verið á vakt þá daga sem aðgerðirn­ar stóðu yfir. Efl­ing for­dæmdi ákvörðun­ina harðlega og skoraði á hót­elkeðjuna að leiðrétta mis­tök­in. „Við hörm­um fram­göngu for­svars­manna Efl­ing­ar í fjöl­miðlum, enda er hún í þver­sögn við yf­ir­lýst­ar sáttaum­leit­an­ir þeirra við þau fyr­ir­tæki sem verk­fallið náði til,“ sagði í til­kynn­ingu Magneu Þóreyj­ar Hjálm­ars­dótt­ur fram­kvæmda­stjóra til starf­sólks í gær.