„Mjög mikilvægt: Davíð Oddsson er búinn að hugsa mikið um hvað er að gerast í siðmenningunni og Flaggskipum kapítalismans og er kominn að niðurstöðu,“ skrifar Sólveig Anna Jónsdóttir, eftir að hafa lesið leiðara Moggans.
„Getur einhver plís reynt að láta svarta og brúna fólkið í Bandaríkjunum og á Bretlandi vita að: „Hætt er við að hin mikilvæga og þarfa barátta gegn kynþáttamisrétti missi marks, og jafnvel stuðning, ef farið er offari við að brjóta niður táknmyndir fortíðarinnar.“
Sólveig Anna heldur áfram: „Hugsið ykkur; þau eru að berjast og berjast, vesalingarnir, en kannski er villimennskan svo mikil að hvítt fólk hristir hvíta bara hausinn sinn með hvíta heilanum og segir; „sjáiði hvað þið eruð búin að gera, nú neyðumst við til þess að fara aftur að ástunda kynþáttamisrétti gagnvart ykkur af því þið eruð búin að vera svo vond við stytturnar okkar!“.“
Ef að svarta og brúna fólkið skildi bara hvað þau eru komin útí mikið rugl.
„Og Vesturlönd verða að passa það rosalega vel að „mótmæli fari ekki úr böndum með þeim afleiðingum að tilteknir hópar fari að kúga almenna borgara.“ Því það er sannarlega mikið áhyggjuefni hversu mikla möguleika mótmælendurnir hafa til að ástunda kúgun á samborgurum sínum. Aumingja samborgararnir. Tremendously sad. Ef að svarta og brúna fólkið skildi bara hvað þau eru komin útí mikið rugl, þá færu þau ábyggilega aftur heim og héldu áfram að senda hugskeyti til stjórnmálafólks svo að þau tækju kannski burt nokkrar styttur af hvítum mönnum. Þannig næst alvöru árangur.“
Sólveig Anna endar skrifin svona: „Við hljótum að treysta því að þau fatti þetta, sérstaklega ef að einhver góðviljaður íslenskur maður, búsettur í USA eða UK kemur boðskapnum áfram til þeirra. Krossum fingur og vonum það besta!“
