Gylfi Magnússon skrifaði:
„Eitt af því sem hefur nánast ekkert verið rætt þótt það hafi mikil áhrif á íslenskt samfélag er að mikil fjölgun innflytjenda hefur veruleg áhrif á aldursdreifingu íbúa landsins. 68% þeirra sem hingað flytja eru á aldrinum 20-39 ára en einungis 30% íbúa landsins eru á þeim aldri. Einungis 0,8% innflytjenda eru 60 ára og eldri en 20,4% íbúa landsins. Það fjölgar því mjög (bæði hlutfallslega og almennt) þeim sem eru á vinnumarkaði og verða það fyrirsjáanlega næstu áratugi en fækkar hlutfallslega þeim sem eru á eftirlaunaaldri eða komast þangað næstu áratugi. Þetta hefur mikil efnahagsáhrif og skiptir talsverðu fyrir almannatrygginga- og lífeyriskerfin. Lýðfræði landsins breytist reyndar líka þannig að körlum fjölgar hlutfallslega því að hingað flytja um það bil 3 karlar fyrir hverjar 2 konur.“