Þess vegna munar þeim ekkert um að reka Morgunblaðið með gegndarlausu tapi ár eftir ár.
Katrín Baldursdóttir skrifar:
Þetta ríka lið sem rakar saman peningum á sjávarauðlindinni okkar og aðrir auðmenn í svipuðum klúbbum verða að eiga fjölmiðil svo þeir geti viðhaldið auði sínum og völdum. Þess vegna munar þeim ekkert um að reka Morgunblaðið með gegndarlausu tapi ár eftir ár. Þeir eiga hvort sem er sand af seðlum og fá sennilega skattaafslátt út á peningastreymið til Davíðs Oddssonar og Co sem eiga að sjá um að koma því til skila til þjóðarinnar að allt fari í kalda kol á Íslandi ef þessi fyrirtæki missa spón úr aski sínum. Til dæmis að þeir sem núna eiga stærstu útgerðirnar séu svo klárir og vel lukkaðir að enginn nema þeir geti séð um sjávarauðlindana. Og svo vel af guði gerðir að þeir eigi skilið að fá auðlindina að mestu gefins. Þeim munar ekkert um að gefa Moggann á fimmtudögum til að tryggja að boðskapurinn skili sér til almennings.