Hann hefur leyft áfram endurvigtun Samherja á eigin afla.
Sigurjón Þórðarson skrifaði:
Forsætisráðherra líkist æ meira meðvirkum aðila í ofbeldissambandi sem vill skapa sátt um óásættanlegt ástand!
Það hefur komið fram að Kristján Þór hefur horft fram hjá því að Samherji sé látinn virða kvótaþak sem bundið er í 13 gr. laga um stjórn fiskveiða. Hann hefur leyft áfram endurvigtun Samherja á eigin afla, þrátt fyrir Kveikur hafi sýnt frá að slík heimild sé misnotuð gróflega. Sjávarútvegsráðherra Katrínar hefur ekkert gert til þess að taka á ógagnsærri verðlagningu m.a. á makríl. Verðlagningin býður upp á að laun sjómanna skerðist og fjármunir renni í stríðum straumum úr landi og í skattaskjól í gegnum eigin sölufyrirtæki útgerðgerðanna, sem selja síðan tengdum aðilum með heimilisfestu á t.d. Kýpur.
Í þessum málamyndaviðskiptum verða eftir gríðarmiklir fjármunir á reikningum erlendis.
Ekki verður sagt með neinu móti að Kristján Þór Júlíusson sá sem Katrín treystir greinilega best til þess að fara með sjávarútvegsmálin hafi litið til markmiðsgreina laga um stjórn fiskveiða og aldrei ef horft er til byggðasjónarmiða a.m.k. ekki í Grímsey, Ólafsfirði, Hofsósi og svo má lengi telja – Nei það er ljóst að hann er ekki einungis maður Katrínar Jak heldur einnig Samherja.
Katrín virðist enn taka harða afstöðu með sérhagsmunum og Tortóla-liði og gegn almannahagsmunum!