- Advertisement -

Þingmenn allra flokka flaðra upp um Björn

Björn Bjarnason nýtur hilli þingmanna allra flokka á Alþingi.

„Ég vil þakka fyrir þessar skýrslur eins og fleiri hafa gert og tel þær mjög mikilvægan grunn fyrir upplýsta umræðu um framkvæmd og þýðingu samningsins fyrir Ísland.“

Þessi tilvitnun er sótt í ræðu sem Líneik Anna Sævarsdóttir flutti þegar rætt var um EES-skýrsluna sem Björn Bjarnason stýrði. Nánast allir þeir þingmenn sem tóku til máls um skýrsluna þökkuðu fyrir skýrsluna. Mest var Birni Bjarnasyni þakkað.

Væmnin var við ystu þolmörk. Innst inni vita allt og allir að skýrslan verður aldrei brúkuð. Hún dugði þennan eina málfund á Alþingi. Þar kom fram með mjög skýrum hætti hversu sterk samtrygging stjórnmálamanna er.

Þú gætir haft áhuga á þessum

Skýrsla Björns fer í sömu hillu og skýrsla Hannesar Hólmsteins. Sá er munurinn þarna á að Hannes Hólmsteinn fékk nokkuð betur borgað fyrir sína einskisvirði skýrslu en Björn fékk prívat og persónulega fyrir sína.

Til að loka jöfnuninni hefur Björn fengið loforð til að gera aðra skýrslu. Um hvað skiptir engu. Henni er svo sem ekki ætlað neitt hlutverk. Fer í sömu hilluna og hinar.

Ekki kemur á óvart að þingmenn allra flokka flaðri gagnrýnislaust upp um Björn og Guðlaug Þór. Þannig er samtrygging íslenskra stjórnmálamanna.

-sme


Booking.com

Tengdar fréttir sem þú gætir haft áhuga á að lesa: