„Ég held það sé ekki öfundsvert að vera núna í sporum Sigurgeirs, þar sem hann á von á því að verða flengdur, af sjálfum Dr. Kára Stefánssyni,“ skrifar Sigurjón Þórðarson, fyrrverandi þingmaður.
Tilefnið er grein sem Sigurgeir, eða Binni í Vinnslustöðinni, skrifaði. Sigurjón skrifar:
Hvaða rosalegi snillingur er þessi Sigurgeir B. Kristgeirsson?
Hér skýrir hann út eitthvað sem enginn hefur spurt um og ber sig afar aumlega yfir litlum afgangi af viðskiptum sem hann á við sjálfan sig! Ef þetta eru svona miklir erfiðleikar þá hefði hann betur siglt með aflann til Færeyja og fengið tvöfalt hærra verð fyrir hann, eins og Kári Stefánsson benti honum á að hægt hefði verið að gera!
Annars vekur tafla sem fylgir greininni miklu frekar spurningar en svör t.d. hvernig er hægt að fá það út að skattar og lífeyrissjóðir séu talsvert hærri en laun?
Ég held það sé ekki öfundsvert að vera núna í sporum Sigurgeirs, þar sem hann á von á því að verða flengdur, af sjálfum Dr. Kára Stefánssyni.
Hér má lesa greinina hans Binna.
