- Advertisement -

Blái, blái skriðdrekinn

„Algjörlega magnað viðtal og dæmi um svo margt sem er að í stóru myndinni. Það er þessi samtalstækni sem er í raun mein heimsins.“

Kristín Helga Gunnarsdóttir.

Fjölmiðlar Kristín Helga Gunnarsdóttir rithöfundur skrifaði þessa grein. Hér er tekið undir hvert orð.

„Blaðamennska á Íslandi nær hér nýjum ósiðlegum lægðum þegar siðfræðingurinn á Mogganum ákveður sjálfur að grilla forsetaframbjóðandann Höllu Hrund á meðan eiginkona hans og flokksgæðingur situr í starfinu hennar í boði orkumálaráðherra. Óligarkíið Ísland í sinni nöktustu mynd. Og blaðamaðurinn sér greinilega ekkert ósiðlegt við að setja sig í þessa aðstöðu þótt siðfræðingur sé. En mikið stóð hún sig vel, var málefnaleg og skýr, á meðan siðfræðingurinn hlustaði ekki en keyrði áfram á sínum bláa skriðdreka. Það er svo athyglisvert að horfa á fólk sem hlustar ekki, en bíður þess aðeins að keyra aftur af stað og er með fyrirfram skrifaða áætlun um að gera viðmælandann tortryggilegan. Algjörlega magnað viðtal og dæmi um svo margt sem er að í stóru myndinni. Það er þessi samtalstækni sem er í raun mein heimsins. Þetta er skaðinn í fáveldinu okkar og þetta er einmitt það sem veldur því að þessi þjóð vill greinilega ekki, samkvæmt skoðanakönnunum, gamla pólitíkusa í forsetastólinn núna.“

Fyrirsögnin er Miðjunnar.


Auglýsing

Tengdar fréttir sem þú gætir haft áhuga á að lesa: