793 milljónir eru miklir peningar, líka hjá Seðlabankanum. Markaður Fréttablaðsins birtir frétt í dag um að bankinn hafi borgað 793 milljónir króna, „…í gjöld vegna gjaldeyrisútboða sem tengdust aflandskrónuútboði bankans, að því er fram kemur í ársreikningi bankans. Til samanburðar greiddi bankinn 121 milljón króna í gjöld vegna gjaldeyrisútboða árið 2016.“
Forvitnilegt. Gjöldin margfaldast á milli ára. En hvaða gjöld ætli þetta séu og hvers vegna hækka þau svona mikið. Markaðurinn kannaði það.
„Samkvæmt upplýsingum frá Seðlabankanum er einkum um að ræða uppgjörskostnað vegna aflandskrónu viðskipta bankans á árinu,“ segir í fréttinni og það svar er látið gilda. Ekki eitt einasta orð um hvaða gjöld þetta eru eða hvers vegna þau voru margfalt hærri 2017 en 2016.
Þannig er nú það.
