„Tónninn sem sleginn er í báðum greinunum fer ekki á milli mála.“
„Eldri borgarar eru í dag öflugustu kjósendahópar Sjálfstæðisflokksins,“ skrifar Styrmir Gunnarsson. „Það er eins gott fyrir þingmenn að veita því eftirtekt.“
Styrmir segir: „Hin aldna sveit sækir fram.“
„Í laugardagsgrein minni í Morgunblaðinu í gær var getum að því leitt að búast mætti við öflugri kjarabaráttu af hálfu eldri borgara en tíðkast hefur fram að þessu og var það mat byggt annars vegar á miklum fjölda fundarmanna og hins vegar ræðum, sem fluttar voru á fundinum og tali fólks,“ skrifar hann og bætir við:
…nema eftirlaunafólks á lægstu eftirlaununum.
„Í Morgunblaðinu í gær birtust tvær aðrar greinar, sem voru eins konar staðfesting á þessu mati.
Annars vegar grein eftir Ingibjörgu H. Sverrisdóttur, sem var kjörin formaður félagsins í harðri kosningu milli þriggja frambjóðenda (hún hefur verið virk í flokksstarfi Sjálfstæðisflokksins) og hins vegar eftir Viðar Eggertsson, leikstjóra.
Ingibjörg segir m.a.:
„Eitt af hlutverkum félagsins er að berjast fyrir að dregið verði úr tekjutengingum almannatrygginga vegna lífeyris. Ég mun halda því máli á lofti og baráttunni áfram fyrir réttlæti og bættum hag okkar eldri borgara.“
Viðar Eggertsson segir m.a. í sinni grein:
„Á síðasta ári var gerður lífskjarasamningur sem þótti tíðindum sæta til að bæta kjör þeirra lægst launuðu í þjóðfélaginu. Allra nema eftirlaunafólks á lægstu eftirlaununum.“
Styrmir: „Tónninn sem sleginn er í báðum greinunum fer ekki á milli mála.“
