Inga Sæland:
„Ekki hefur tekist að rekja uppruna kórónuveirusmitsins sem greindist í gær en rakning og raðgreining standa nú yfir. Niðurstöður úr þeim verða ljósar síðar í dag. Sá smitaði var ekki í sóttkví. Þórólfur Guðnason sóttvarnarlæknir telur að ástæða sé til þess að hafa áhyggjur af smitinu. 30 af 34 smituðum framvísuðu neikvæðu vottorði.
Skyldi Íslandsstofa markaðssetja og selja landið okkar erlendum ferðamönnum um leið og þeir bendi þeim á að allir geti verslað sér falsað bólusetningarvottorð á netinu fyrir 25 dollara stykkið.
Við fordæmum algjörlega þennan innflutning á fjórðu bylgju faraldursins til landsins.
Mér er gjörsamlega óglatt. Allt tal ráðherraliðsins um að líf og heilsa landsmanna sé sett í fyrsta sæti er hjómið eitt. Aðgerðir þeirra nú tala sínu máli. Það þarf engan sérfræðing til að sjá hverjir raunverulega stýra þessu landi.
Flokkur Fólksins hins vegar segir: Fólkið fyrst svo allt hitt!
Við fordæmum algjörlega þennan innflutning á fjórðu bylgju faraldursins til landsins.
Aðgerðirnar eru algjörlega óafsakanlegar um leið og að vera óskiljanlegar.
Ekkert á borði stjórnvalda sem sýnir ábatann af því að taka þessa áhættu með líf okkar og heilsu.
Hvað með sumarið framundan þegar blússandi Coved kollríður samfélaginu, hver á þá að ferðast innanlands? Ég bara spyr? Svarið liggur að vísu í augum uppi. ENGINN.
Við munum svipt öllu frelsi og þurfa að sitja heima sem aldrei fyrr með afbrigði af veirunni sem tekur okkur mun öflugar en við þekkjum til þessa.
Við höfum unnið saman og viljað komast út úr þessum brimskafli saman, en nú sendir ríkisstjórnin okkur fingurinn og gerið ekkert með það sem við höfum lagt á okkur til þessa. Ég á ekki nógu stór orð til að lýsa andúð minni á þessum aðgerðum, eða réttara sagt ég á þau til en læt þau vera engu að síður.“
