Manni leiðist ekki, svo mikið er víst. Og svo er lengsti bæjarstjórnarfundur ársins í útsendingu á miðvikudag, en þar hef ég staðið vaktina í rúm 30 ár.
Halldór Árni Sveinsson skrifaði:
Lagleg þessi flensa sem ég hef náð mér í um helgina, um hábjargræðistímann á aðventunni þegar útlit er fyrir að veðrið verði gult, appelsínugult og jafnvel rautt. Annars ágætt að leyfa sér að kúra undir sæng eftir maraþontörn í streymi funda og ráðstefna, viðtölum og tónleikaupptökum alla undanfarna daga.
Á morgun ætla ég þess vegna ekki að gera rassg.. nema kannski að klippa smá, og hlusta á Chris Rea yfirgnæfa beljandann í Driving Home for Christmas. Skrýtið að maður fái ekki leið á þessu lagi, en svo er Mel Thorme fínn, Nat King Cole, Bing, Raggi og Bo, Ellý og allar þessar elskur, að ógleymdu unga tónlistarfólkinu okkar. Og ekki mun ég baka fyrir þessi jól, frekar en þau fyrri.
Haugurinn stækkar bara sem þarf að klippa; Gamlar upptökur frá Flensborgarhöfn og Thorsplani um jólin, ýmislegt um höfnina og Sjómannadaginn, tvennir tónleikar með Bjössa Thor (3 kamerur og 24 rásir af hljóði), Íslenska popplandsliðið á jólahátíð fatlaðra sl. miðvikudagskvöld fyrir gleðigjafann André Bachmann sem ásamt góðu fólki hefur haldið þessa hátíð í nærri fjóra áratugi til ómældrar gleði þessa kátasta og þakklátasta fólks sem ég hef kynnst (4 kamerur og 23 rásir af hljóði), Syngjandi jól frá því á laugardag (3 kamerur og 8 rásir af hljóði), en þessa heilsdagshátíð hef ég tekið upp frá upphafi (hvers vegna veit ég ekki, bilun segir fjölskyldan hehe), og loks jólatónleikar Kórs Öldutúnsskóla í Hafnarfjarðarkirkju frá því í gær (4 kamerur og 9 rásir af hljóði)
Manni leiðist ekki, svo mikið er víst. Og svo er lengsti bæjarstjórnarfundur ársins í útsendingu á miðvikudag, en þar hef ég staðið vaktina í rúm 30 ár.
Ég kemst í hátíðaskap með Helgu Möller, sem var svo elskuleg að sprella sérstaklega fyrir myndavélina og mig í Firði um daginn.
Takk fyrir að nenna lesa þessa rullu vinir. Hugsið ykkur ef ég væri nú montinn og sjálfhverfur líka?