- Advertisement -

Segir Pawel trufla ræður borgarfulltrúa

…hvísl forseta borgarstjórnar við ritara á meðan fluttar eru ræður.

„Einn helsti vandi á fundum borgarstjórnar að mati borgarfulltrúa Flokks fólksins er stundum hvísl forseta borgarstjórnar við ritara á meðan fluttar eru ræður. Þetta er reyndar mis slæmt en afar truflandi fyrir þann sem flytur ræðuna. Eins er oft erfitt að ná athygli forseta borgarstjórnar til að fá sig setta á mælendalista. Forseti borgarstjórnar þarf að líta oftar yfir salinn. Þá þurfa borgarfulltrúar ekki að berja í borð eða slá í tölvur til að ná athygli hans. Eins þarf forseti borgarstjórnar að tala skýrar en hann gerir og hægar,“ segir Kolbrún Baldursdóttir Flokki fólksins. Hún lagði fram bókun á fundi forsætisnefndar borgarstjórnar ósátt með frammistöðu Pawels Bartoszek forseta borgarstjórnar.

„Flokkur fólksins vill að fólk sem kemur á pallana  finni sig velkomið. Borgarstjórn ætti að finna leiðir til að bjóða fólki að koma sem oftast. Einnig á gestum að vera sjálfsagt að klappa, finni einhver þörf og löngun til þess,“ bættu Kolbrún við.


Auglýsing

Tengdar fréttir sem þú gætir haft áhuga á að lesa: