Karl Garðarsson, fyrrum þingmaður, skrifar:
Alþingi hlýtur að vera í vondum málum, nú þegar farið er að sekta fyrir brot á sóttvarnarlögum. Steingrímur J. verður væntanlega sektaður um allt að hálfri milljón króna fyrir að hafa skipulagt samkomu í þingsal þar sem fleiri en 20 komu saman. Væntanlega verða einstakir þingmenn sem mættu á samkomuna líka sektaðir, þó upphæðin sé heldur lægri. Eða eins og segir í frétt RÚV: „Samkvæmt fyrirmælum ríkissaksóknara geta þeir sem sækja samkomu þar sem eru fleiri en 20 fengið sekt upp á 50 þúsund krónur. Sektin fyrir að skipuleggja slíka samkomu getur numið allt að hálfri milljón.“