- Advertisement -

Vinstri græn uppvís að hræsni og lýðskrumi?

Þorsteinn Víglundsson og Vilhjálmur Birgisson. Þorsteinn á að hafa sagt; „.. að ekki verði gengið lengra í hækkun lægstu launa.“ Vilhjálmur segir: „…hvar eru þingmenn og ráðherrar Vinstri grænna í dag og var kannski allt þeirra tal um árið 2015 þegar þeir voru í stjórnarandstöðu, algjör hræsni og lýðskrum?“

„Lág- og millitekjuhóparnir eru þeir sem þurfa að njóta afraksturs komandi kjarasamninga. Launin eru einfaldlega of lág og duga ekki fyrir framfærslu fjölskyldnanna. Við annað verður ekki unað en að hlutur þeirra verði réttur í þessari lotu.“

„Þetta sagði Svandís Svavarsdóttir núverandi heilbrigðisráðherra þegar kjarasamningar verkafólks voru lausir árið 2015,“ bendir, Vilhjálmur Birgisson, formaður Verkalýðsfélags Akraness og fyrsti varaforseti ASÍ, á.

„Rétt að minna á að lágmarkslaun í dag duga engan veginn fyrir þeim framfærsluviðmiðum sem Velferðaráðneytið hefur gefið út og vantar um 114.000 krónur á mánuði til að svo sé. En hvar eru þingmenn og ráðherrar Vinstri grænna í dag og var kannski allt þeirra tal um árið 2015 þegar þeir voru í stjórnarandstöðu, algjör hræsni og lýðskrum?“ Segir Vilhjálmur.

Þú gætir haft áhuga á þessum

Svandís sagði einnig: „Eina ferðina enn er látið að því liggja að stöðugleiki í efnahagslífinu sé á ábyrgð þeirra sem minnst hafa milli handanna. Þorsteinn Víglundsson hjá SA segir fullum fetum að ekki verði gengið lengra í hækkun lægstu launa.“


Booking.com

Auglýsing

Tengdar fréttir sem þú gætir haft áhuga á að lesa: