- Advertisement -

Ættingjar Söru standa fyrir SÖFNUN- Berst við krabbamein og á yfir höfði sér fangelsisdóm í Bandaríkjunum

Sarah Helena Wilhelmsen, 35 ára íslensk kona sem býr í Michigan í Bandaríkjunum, hefur verið ákærð fyrir umferðarlagabrot sem leiddi til dauðsfalls. Slysið átti sér stað í þorpinu Berrien Springs í Michigan þann 30. janúar síðastliðinn.

Samkvæmt lýsingu frænda hennar, Þrastar Þórðarsonar, var Sarah að hægja ferðina er nágranni hennar gekk í veg fyrir bílinn og varð fyrir honum. Nágranninn lést á sjúkrahúsi tveimur vikum síðar.

Tveimur dögum eftir slysið gekkst Sarah undir erfiða skurðaðgerð vegna krabbameins. Í erfiðri baráttunni við þennan illvíga sjúkdóm horfir hún jafnframt fram á mögulegan fangelsisdóm og háar fjársektir fyrir bandarísku dómsstólum. Sarah náði að losna úr haldi gegn þvi að greiða tryggingu en á að mæta fyrir dómara þann 13. maí næskomandi.

Þröstur stendur fyrir söfnun til handa frænku sinni á síðunni gofundme.com. Þar eru Íslendingar hvattir til að styðja Söru í baráttunni.


Tengdar fréttir sem þú gætir haft áhuga á að lesa: