Heyr á endemi.
Sigmumdur Ernir skrifar leiðara Fréttablaðsins í dag. Að venju hittir hann naglann á höfuðið. Skoðum betur:
„Nýjustu vendingar í þessu bankasöluklúðri eru einstaklega afhjúpandi fyrir það spillta samfélag sem enn þrífst á Íslandi, og mun sjálfsagt áfram gera í samfélagi þar sem glæpir og afbrot eru flokkuð eftir því hverjir standa að þeim.“
Næst kemur þessi kafli: „Margt bendir til þess að starfsmenn Íslandsbanka hafi nýtt sér innherjaupplýsingar til að auðgast sjálfir á útboði Bankasýslunnar á síðasta ári. Þeir hafi haft innanhússforskot á aðra kaupendur – og nýtt sér það óspart. Öðruvísi verður frummat fjármálaeftirlits Seðlabanka Íslands á framkvæmd útboðsins ekki skilið. Í matinu kemur fram að eftirlitið telji að bankinn kunni að hafa brotið gegn ákvæðum laga og reglna sem gilda um bankann og starfsemi hans.“
„Forkólfar Íslandsbanka hafa séð sig knúna til að senda frá sér tilkynningu vegna frummatsins, þess efnis að sáttaferli sé hafið á milli bankans og eftirlitsins. Heyr á endemi – og er hér ólíku saman að jafna við það sem yfirmenn bankans hafa áður haldið fram, en þeir hafi einmitt farið að öllum settum reglum við söluferlið.
Af hverju í ósköpunum þarf hann þá að taka þátt í sáttameðferð með Seðlabanka Íslands? Það verður ekki túlkað öðruvísi en svo að hann viðurkenni að lög hafi verið brotin innan bankans – og að grandalausir eigendur hans, almenningur, þurfi nú að sæta því að bankinn greiði háa sekt vegna lögbrota. Og til að kóróna vitleysuna eru bankamennirnir nú komnir í meðferð,“ og þannig endar besti leiðari þessa dags.“
