Tryggingastofnun hefur birt upphæðir lífeyris árið 2019. Lífeyrir aldraðra og öryrkja á að hækka um 3,6%. Sú hækkun heldur ekki í við verðbólguna,þar eð verðbólgan verður 4% næsta ár,a.m.k.
Lífeyrir aldraðra eftir skatt er í dag 243 þús kr. á mánuði hjá einhleypum. Sú upphæð hækkar í 249 þúsund á mánuði eftir skatt .M.ö.o.: Eftir að í ljós er komið, að stjórn KJ hefur ekki hækkað lífeyri um eina einustu krónu allt árið, sem er senn á enda, tilkynnir Tryggingastofnun, að lífeyrir aldraðra eftir skatt eigi að hækka um 6 þúsund kr á mánuði (3,6%). Þessi hækkun nær ekki einu sinni aukningu verðbólgunnar en hún verður 4%.
Björgvin Guðmundsson.