- Advertisement -

Bjarni númer eitt í röðinni

„Hann ber mikla ábyrgð á siðvillu þeirri sem breiðist út um íslenskt samfélag.“

Steinunn Ólína Þorsteinsdóttir.

Stjórnmál Steinunn Ólína Þorsteinsdóttir er ekki af baki dottinn Framboðið til forseta er á enda og áfram er haldið. Nýtt og brýnt viðfangsefni er komið á dagskrá hjá henni:

„Næsta mál á dagskrá.

Bjarni Benediktsson getur ekki verið forsætisráðherra þjóðarinnar. Það er siðlaust og rangt. Hann starfar gegn hagsmunum þjóðarinnar en fyrir þá sem eiga og ráða í íslensku samfélagi. Ríkasta fólkið.

Þú gætir haft áhuga á þessum

Hann ber mikla ábyrgð á siðvillu…

Hann ber mikla ábyrgð á siðvillu þeirri sem breiðist út um íslenskt samfélag. Hans störf snúast nær eingöngu um sérhagsmunagæslu og arðrán á þjóðareignum. Hann gerir það hversdagslegt að svindla, pretta, meiða, ljúga og stela. Þetta er ólíðandi ómenning sem vegur að heilbrigðu hugarfari í samfélaginu.

Flokkur sá sem hann leiðir sem hefur frelsi einstaklingsins að leiðarljósi er klofinn og það er frumábyrgð þess hluta flokksins sem virðist hafa einhver prinsipp að losa sig við meinsemdina. Sjálfstæðisflokkurinn getur aldrei orðið frískur með síbrotamanninn Bjarna Benediktsson innbyrðis.

Fréttamenn Ríkisútvarpsins hafa í tvígang haldi því fram við mig í viðtölum að Bjarni hafi verið kosinn í starf forsætisráðherra. Þetta er einfaldlega rangt og málflutningur fréttamanna óboðlegur. Íslensku þjóðinni þvert á móti blöskrar að Bjarni sitji í þessu embætti. Þjóðin brást við stólaskiptunum með undirskriftalista tæplega 45.000 manns honum til höfuðs sem stjórnvöld og forseti höfðu að engu.

Bjarni er forsætisráðherra fyrir tilstuðlan fyrrum forsætisráðherra í óþökk þjóðarinnar. Þjóðin svaraði fyrir sig í forsetakosningum nýafstöðnum svo ekki er um að villast.

Vera hans í starfi forsætisráðherra er einfaldlega siðlaus og særandi fyrir almenning í landinu.

Hvað hugsar Svandís Svavarsdóttir eftir að sjálft Ríkisútvarpið og ríkisstyrktir fjölmiðlar vógu að lýðræðinu í aðdraganda forsetakosninga? Þegar sérhagsmunaöflunum mistókst þrátt fyrir yfirgengilega grimmd og ósvífni svo ekki sé talað um fjáraustur sem þjóðinni blöskraði að kaupa sjálft forsetaembættið.

Ætlar VG áfram að vera Bjarna skjól?

Ætlar VG áfram að vera Bjarna skjól? Hvar eru heilindi Svandísar við íslenskan almenning? Er það bara valdasýkin útbreidda sem ræður för? Endar Svandís sinn pólitíska feril á því að selja undan okkur landið í frekara samstarfi við klofinn X-D og laskaða Framsókn?

Þorgerður Katrín var öskureið þegar frumvarp VG um lagareldi kom til 1. umræðu þingsins enda aðför að landi og þjóð. Ætlar flokkur hennar af sérgæsku að hlúa áfram að veru forsætisráðherra í stóli sínum sem stundar gripdeildir með eigur landsmanna fyrir opnum tjöldum? Kemur til greina að lýsa vantrausti á forsætisráðherra og standa með þjóðinni?

Hvað með þingmenn þá sem sofa eða eru fjarverandi meira og minna?

Það er eitthvað mikilvægara en stólar og völd. Fólki er sagt upp störfum í þjóðfélaginu og hefur lítinn rétt til varnar, það er veruleiki almennings. Það þarf ósérhlífni til að starfa að heilindum sem stjórnmálamaður sem hefur þá frumskyldu að starfa fyrir almenning í landinu.

Ef heiðarlegir og velþenkjandi þingmenn og ráðherrar stöðva ekki siðspillinguna undir stjórn Bjarna Benediktssonar verður íslenska þjóðin sem fyrst að krefjast afsagnar götustráksins út Garðabænum og senda hann heim til föðurhúsanna þar sem hann við föðurkné nam fræðin.“


Auglýsing

Tengdar fréttir sem þú gætir haft áhuga á að lesa: