- Advertisement -

Dagur alltaf með lausnirnar á hreinu

Marinó G. Njálsson skrifaði:

Vill flytja þyrluflugið upp á Hólmsheiði, eins og það trufli enga þar, því þá truflar það ekki fólkið á „láglendinu.“

Bara til upplýsingar fyrir borgarstjórann, þá mun útsýnisflug í þyrlum frá Hólmsheiði raska kyrrð á útivistarsvæðum borgarinnar í kringum Rauðavatn, Mosfellinga við Hafravatn og höfuðborgarbúa í Heiðmörk. Og örugglega trufla fleiri íbúa í efri byggðum Reykjavíkur, Kópavogs, Garðabæjar og Hafnafjarðar, en verða fyrir truflun miðað við núverandi staðsetningu. Vandinn er bara fluttur úr augsýn borgastjórans, en hann er ekki leystur.

Þú gætir haft áhuga á þessum

Hvers vegna ætti að eyðileggja öll helstu útivistarsvæði höfuðborgarsvæðisins bara svo einhverjir geti drukkið kaffið sitt í friði í morgunsárið úti á palli nokkra daga á ári. Og hvað gerist þegar þetta fólk fer í hressingargöngu í Heiðmörk, sest niður til að drekka kaffið sitt og þyrla flýgur yfir? Á þá að finna enn einn nýjan stað, vegna þess að einhver varð fyrir truflun?

Lausnin er að breyta flugleiðum þyrlanna, þannig að þær verði að fljúga yfir sjó og út fyrir byggð, en ekki að færa truflunina á þau svæði sem fólk fer á þegar það sækist eftir kyrrð í náttúrunni.

Greinina birti Marinó fyrst á eigin Facebooksíðu. Greinin er birt hér með góðfúslegu leyfi höfundar.


Auglýsing

Tengdar fréttir sem þú gætir haft áhuga á að lesa: