- Advertisement -

„Flassarinn“ aftur kominn á kreik í Laugardalnum: „Bíddu … er þetta bara þekktur gaur?!“

Íbúar í Langholts- og laugarneshverfum eru uggandi yfir hinum svokallaða „Flassara“ sem hefur verið að bera kynfæri sín fyrir börnum og áreita þau síðustu mánuði. Þeir skilja ekkert í því hvers vegna ekkert sé gert í málinu.

„Flassarinn“ er til umræðu í hverfishópum íbúa beggja hverfanna á Facebook og er þar talað um að viðkomandi haldi einna helst til nærri íþróttasvæði Þróttar í Laugardalnum. Það er Hildur nokkur sem vekur athygli á áreitni mannsins í gærkvöldi.

„Dóttir min ásamt öðrum stelpum sem voru við æfingar íLlaugardal lentu i “flassaranum” núna fyrr i kvöld. Hann áreitti þær og sýndi kynfærin sín. Hann var auðvitað farinn þegar lögreglan kom a svæðið en ég gaf skýrslu og mun kæra þetta. Vildi bara láta vita svo þið getið brýnt fyrir ykkar börnum að bregðast rétt við og ekki tala við hann og láta fullorðna strax vita,“ segir Hildur og bætir við lýsingu á „Flassaranum“:

„Í grænni úlpu, alltaf a hjóli.. frekar brúnn i framan (sennilega úti tekinn) er alltaf þarna væflast i kringum þetta svæði eða inni skóginum þarna.“

Fjölmargir íbúar taka til máls og lýsa flestir furðu sinni yfir því hvers vegna ekkert sé aðhafst af yfirvöldum. Einn þeirra er afar hissa. „Bíddu … er þetta bara þekktur gaur sem „ flassarinn“?,“ spyr viðkomandi.

Kona sem býr í hverfi vill aðgerðir hið fyrsta. „Ég fór með strákinn minn í Barnahús síðasta vetur til að gefa skýrslu um þennan mann. Hann var kærður þá. Ömurlegt að hann sé enn/aftur að flassa börn í Laugardalnum,“ segir konan.


Tengdar fréttir sem þú gætir haft áhuga á að lesa: