Sprengisandur Halldór Halldórsson, oddviti Sjálfstsæðisflokks í borgarstjórn Reykjavíkur, sagði í Sprengisandi í morgun að sér þætti að skoða eigi betur Hvassahraun undir framtíðarflugvöll í stað Reykjavíkurflugvallar.
Halldór sagði, og brýndi Dag B. Eggertsson borgarstjóra, til að framlengja skipulag, með Reykjavíkurflugvöll í Vatnsmýrinni, fram yfir árið 2030. Hann sagðist ekki sjá neitt benda til annars en að flugvöllurinn verði á sama stað fram yfir það ár.
Halldór og Dagur voru sammála um að of lítill gaumur hafi verið gefinn að Hvassahrauni í niðurstöðum Rögnunefndarinnar svokölluðu.
Halldór sagðist ekki sjá fyrir sér að rikið ráðist í framkvæmdir við nýjan flugvöll, en taldi meiri möguleika á að það yrði gert í einkaframkvæmdum. Dagur tók undir það.
