- Advertisement -

Gereyðingarvopnið Davíð

Þegar hann var Seðlabankastjóri hrundi krónan.

„Samkvæmt Gallup voru lesendur Moggans um um 113 þúsund þegar Davíð tók við haustið 2009. Lesendur Moggans eru núna 58 þúsund. Það merkir að um 55 þúsund manns hafi flúið Davíð, álíka margir og búa á Akranesi upp eftir Vesturlandi, á Vestfjörðum, við Húnaflóa, Skagafjörð, Eyjafjörð og eftir Þingeyjarsýslum norður til Húsavíkur. Það má segja að maðurinn sé gereyðingarvopn,“ skrifar Gunnar Smári.

„Þetta hrun er ekki einstakt varðandi feril Davíðs. Hann tók við Sjálfstæðisflokknum sem virkum almannasamtökum en skilaði flokknum af sér sem þröngri klíku. Þegar hann var utanríkisráðherra þá fór herinn. Þegar hann var Seðlabankastjóri hrundi krónan.“

Gunnar Smári heldur áfram: „En Davíð er ekki eini lesendaskelfirinn sem er á sveimi um íslenskan blaðamarkað. Helgi Magnússon, fjárhagslegur bakhjarl Viðreisnar, keypi 112 þúsund lesendur Fréttablaðsins sumarið 2019 og hefur nú tekist að fækka þeim niður í 93 þúsund með áróðri fyrir nýfrjálshyggjustefnu síns flokks. Þetta jafngildir því að 30 manns hafi gefist upp á Fréttablaði Viðreisnar hvern dag, ekki bara hvern útgáfudag heldur líka þá daga sem blaðið kemur ekki út. En Helgi hefur fjölgað þeim dögum mikið með því að draga úr útgáfu blaðsins, líklega í von um að hægja á brotthvarfi lesenda.

Helgi keypti líka DV og nú er það dáið. Tók við blaðinu í sárum en tókst samt að fækka lesendum þess um helming áður en það geispaði golunni.

Lestur á Fréttablaðinu er nú kominn langt undir lestur á Fréttatímanum, sem þraut örendið fyrir fjórum árum. Á velmektardögum Fréttablaðsins voru lesendur um 200 þúsund manns.“


Tengdar fréttir sem þú gætir haft áhuga á að lesa: