- Advertisement -

Gústaf segir vonarglætu í veikindum konu sinnar: „Begga á séns og kemst í dagþjálfun á Reykjalundi“

„Ég hef ekki verið beinlínis upprifinn síðustu tvö árin eftir að Begga veiktist alvarlega 1. maí 2020 vegna blóðtappa, sem lamaði hana í fyrstu algerlega á vinstri hlið líkamans í miðju covidfári,“ segir Gústaf Níelsson um veikindi eiginkonu sinnar, Bergþóru Sigurbjörnsdóttur, og bætir við:

„Framfarir hennar hafa allan tímann verið hægar, en öruggar og henni var bókstaflega hent í fangið á mér sex dögum síðar. Mér varð strax ljóst að hér yrði úr vöndu að ráða og leikið á erfiðum útivelli og hugsaði til þess að annað fólk mér nákomið stæði líka í ströngu, þar sem batavon væri engin, en mágkona mín hefur hugsað um Gulla bróður af natni og ástúð í glímunni við sjúkdóm Alzheimers, sem gefur engin grið og tapast alltaf; hann er að hverfa í algleymið, en Begga á séns.“

Gústaf segir einnig að „í þessum aðstæðum þarf fólk að vernda þrennt; óttaleysið, hugrekkið og gleðina. Svo heppilega vildi til að Begga kemst eftir helgina í dagþjálfun á Reykjalundi um tíma, en hún gerði sér erindi til Íslands í fylgd þriggja dætra sinna til að láta reyna á getu endurhæfingarkerfis, en sótt var um fyrir hana í ágúst í fyrra.

Það gladdi hjarta mitt. Nú mun ég fara með hraði til Íslands til að leggja lið, af veikum mætti.“


Tengdar fréttir sem þú gætir haft áhuga á að lesa: