„Krefj­ist VG þingrofs og nýrra kosn­inga vegna þess að Sjálf­stæðis­flokk­ur­inn gæt­ir þjóðar­hags þarf engu að kvíða“

„Þegar upp verður staðið munu þessi mis­tök Sjálf­stæðis­flokks­ins verða tal­in lang­verstu mis­tök flokks­ins í næst­um ald­ar sögu flokks sem var lengst­um brjóst­vörn lýðveld­is­ins.“

Einar S. Hálfdánarson.

Stjórnmál Einar S. Hálfdánarson, félagi í Sjálfstæðisflokki, er langþreyttur á eigin flokki. Hann hefur þungar áhyggjur af komiu flóttafólks til Íslands. Einar skrifar grein í Mogga dagsins. Hér fara valdir kaflar úr greininni.

„Upp­hafið má raun­ar rekja til rán­dýrra mistaka í tíð rík­is­stjórn­ar Sig­mund­ar Davíðs Gunn­laugs­son­ar. Mistaka sem ég varaði mjög við að gerð yrðu í ýt­ar­lega rök­studdri grein í Morg­un­blaðinu árið 2016. En þau stór­felldu mis­tök firra Sjálf­stæðis­flokk­inn ekki ábyrgð. Aðrir flokk­ar mega við slíku, en þjóðin má ekki við að Sjálf­stæðis­flokk­ur­inn taki þar þátt. Þegar upp verður staðið munu þessi mis­tök Sjálf­stæðis­flokks­ins verða tal­in lang­verstu mis­tök flokks­ins í næst­um ald­ar sögu flokks sem var lengst­um brjóst­vörn lýðveld­is­ins. – Og er þó af ýmsu að taka hin síðustu ár.“

Áfram með skrif Einars. Hér er djúpt skot á Bjarna Benediktsson formann án þess að hann sé nefndur á nafn:

„Og aft­ur, og aft­ur, og aft­ur, kok­g­leyp­ir flokk­ur­inn minn.“

„Í mörg ár hef­ur Sjálf­stæðis­flokk­ur­inn sem sé reynt að bæta fyr­ir mis­tök sín (og annarra). Þá tek­ur við end­ur­tekið efni. Á ensku nefn­ist það „song and dance routine“. Þeir sem ekki þekkja geta gúgglað mein­ing­una. Og aft­ur, og aft­ur, og aft­ur, kok­g­leyp­ir flokk­ur­inn minn. Ferlið er á þessa leið: Málið velk­ist lengi í rík­is­stjórn þar til það sem lang­mestu máli skipt­ir er ekki leng­ur hluti laga­frum­varps. Næst leyf­ir þing­flokk­ur VG Sjálf­stæðis­flokkn­um náðarsam­leg­ast að leggja frum­varpið fyr­ir nefnd, en nú eru sett­ir nýir fyr­ir­var­ar (sbr. þing­ræður VG 4. mars). Þá taka við nefnd­ar­störf þar sem VG og pírat­ar ráða ráðum sín­um lengi, lengi, og passa upp á að ekk­ert breyt­ist í raun. Ef frum­varpið er ger­sam­lega bit­laust, líkt og var á síðasta þingi, nær frum­varpið loks í gegn. Ann­ars dag­ar það uppi fyr­ir okk­ar eigið mátt­leysi.“

Einar greinarhöfundur er faðir Diljár Mistar þingmanns Sjálfstæðisflokksins. Snjó eða klaka var hent í bíl hennar, eins og kunnugt er.

„Svo­nefnd­ir hæl­is­leit­end­ur ráðast að yf­ir­völd­um með hót­un­um. Lög­gæsl­an læt­ur brot­in viðgang­ast. Ráðist er að þing­inu og ein­stök­um þing­mönn­um. – Allt þetta hef­ur valdið þjóðar­vakn­ingu. Höf­und­arn­ir, VG, eru bún­ir að vera. Nema hvað?“

Að lokum þetta:

„Ætlar Sjálf­stæðis­flokk­ur­inn að ganga fyr­ir björg með VG?“

„Spurn­ing­in er þessi: Ætlar Sjálf­stæðis­flokk­ur­inn að ganga fyr­ir björg með VG? Þangað ætla ég ekki með flokkn­um sem ég gekk í 15 ára gam­all og hef starfað í æ síðan. – Nú þarf að skerpa aft­ur á frum­varpi til út­lend­ingalaga. Fram að samþykki lag­anna þarf Sjálf­stæðis­flokk­ur­inn að beita fram­kvæmd­ar­vald­inu sem hon­um hef­ur verið trúað fyr­ir til að stöðva hælisleitendaflauminn um sinn. Til þess hef­ur hann svo sann­ar­lega tæk­in. Ég veit fyr­ir víst að mik­ill meiri­hluti þings­ins styður rót­tæk­ar breyt­ing­ar; ég á nógu mörg sam­töl til að vita það. Krefj­ist VG þingrofs og nýrra kosn­inga vegna þess að Sjálf­stæðis­flokk­ur­inn gæt­ir þjóðar­hags þarf engu að kvíða. Í slík­um kosn­ing­um þurrk­ast VG út. Sætti Sjálf­stæðis­flokk­ur­inn sig við, stórt séð, óbreytt ástand; þá mun Sjálf­stæðis­flokk­ur­inn glata stöðu sinni að ei­lífu. – Spyrjið bara danska Íhalds­flokk­inn.“

Ófriður innan flokks og ríkisstjórnarinnar er að verða öllum ljós.