- Advertisement -

Ólafur Ólafsson og Eva Joly

…það sé „hinn Óli“ sem átti að hafa verið höfuðpaurinn í Búnaðarbankamálinu.

Marinó G. Njálsson skrifar:

Nú er Ólafur Ólafsson, kenndur við Samskip, búinn að sanna endanleg orð Evu Joly úr óteljandi viðtölum við hana (m.a. Silfri Egils og Kastljósi) á árunum upp úr hruni. Fyrir þá sem ekki muna, þá sagði hún að ríku gerendurnir í hruninu myndu beita öllum ráðum til að tefja mál, hafa áhrif á almenningsálitið og skemma fyrir rannsóknum yfirvalda með því að afvegaleiða umræðuna. Þeir myndu mæta með her lögfræðinga og gera út almannatengslafyrirtæki. Núna er kominn nýr snúningur. Það var brot á persónuvernd Ólafs, að upplýst hafi verið að hann hafi beitt blekkingum í Búnaðarbankamálinu. Þórður Snær tekur vel á þessu í Kjarnanum: https://kjarninn.is/…/2019-10-06-ad-opinbera-olaf-olafsson…/

Ég vil benda á, að mögulega er sambærilegt mál í gangi hvað varðar þann eignarhlut sem Goldman Sachs á að hafa keypt í Arion banka. Hluturinn var keyptur í nafni sjóðs án þess að geta hverjir væru fjárfestar í þeim sjóði. Kæmi mér ekkert á óvart að Ólafur væri stór fjárfestir í þeim sjóði, nema náttúrulega það sé „hinn Óli“ sem átti að hafa verið höfuðpaurinn í Búnaðarbankamálinu. FME á að heimta að fá að vita hvaða fjárfestar eru að baki sjóðnum hjá GS, því það er nokkuð öruggt, að GS hefur ENGAN áhuga á að vera meðfjárfestir vafasamra vogunarsjóða í smábanka á Íslandi.

Þú gætir haft áhuga á þessum

Booking.com

Tengdar fréttir sem þú gætir haft áhuga á að lesa: