- Advertisement -

Sadó-hægrið og nafnleyndin

„Af hverju er sadó-hægrið alltaf að skrifa nafnlaust? Staksteinar, Huginn, Muninn, Óðinn, Týr, eitthvað sad þus í Markaðnum sem heitir Skotsilfur minnir mig og nú hef ég rekist á Fjölni í Þjóðmálum. Hvað útskýrir feluleikinn? Er hann af því að allt er þetta svo ótrúlega leiðinlegt og mundane? Skömm yfir perversjónum sem verða ekki bældar? Eða eru allir leyni-mennirnir bara einn leynimaður, bara einn sjálfblekungur að sulla í blekbyttunni? Mig langar mjög að vita,“ skrifar Sólveig Anna Jónsdóttir, formaður Eflingar.

„Hér er ritsmíð eftir Fjölni. Ég mæli ekkert endilega með lestrinum, Fjölnir er dálítið þunglamalegur. Textinn er ástarbréf til kapítalismans en ekki hot og æsandi, meira svona volgt og svæfandi.

Í þessari grein eftir Fjölnir stendur að enginn í hinum vestræna heimi týni mat úr ruslatunnum. Sadó-hægrið er vissulega ekki þekkt fyrir að vera members of the reality based community og er sannarlega þekkt fyrir að elska að plata. En samt; af hverju myndirðu reyna að plata um eitthvað sem öll vita að er plat? Af hverju ekki frekar að segja eitthvað hugmyndafræðilega djarft eins og t.d. að fólk á Vesturlöndum sé svo heppið að allsnægtirnar geri það að verkum að þú getir fengið fengið mat úr ruslatunnu ef þú ert ekki með kaupmátt. Ólíkt fólki annars staðar sem býr í löndum þar sem það eru ekki einu sinni til ruslatunnur, hvað þá matur til að setja í þær. Allur maturinn í ruslatunnunni fyrir þig til að borða ÓKEYPIS af því ekkert jafnast á við framleiðslugetu kapítalismans. Heppin þú,“ bætir Sólveig Anna við og svo þetta:

Sólveig Anna Jónsdóttir:
Allur maturinn í ruslatunnunni fyrir þig til að borða ÓKEYPIS af því ekkert jafnast á við framleiðslugetu kapítalismans.

„Kannski hefur Fjölnir aldrei heyrt um allt heimilislausa fólkið í Flaggskipi kapítalismans. Sem býr á götunni, hefur ekki aðgang að vatni og borðar sannarlega stundum mat úr ruslatunnum. Kannski hefur hann ekki heyrt um ástandið í Los Angeles þar sem að tugir þúsunda eiga hvergi heima nema undir berum himni. Kannski hefur hann aldrei heyrt um endalausu raðirnar af fólki að bíða eftir matarúthlutunum. Kannski er hann svona ótrúlega og glæpsamlega fávís og vitlaus. Á endanum er auðvitað mjög margt sem bendir til þess að aðalvandamál sadó-hægrisins sé sjúklega ótrúleg heimska.

Og að lokum þessi tilvitnun:

„Nú er það vissulega svo að í hinum vestræna heimi er enginn farinn að tína mat upp úr ruslatunnum, en þegar gerð er tilraun til að slökkva á hagkerfum heimsins líkt og nú hefur verið gert verða afleiðingarnar slæmar – bæði til skemmri og lengri tíma.“



Auglýsing

Tengdar fréttir sem þú gætir haft áhuga á að lesa: