- Advertisement -

Þurfum við að skilja eftir 50 ár hjónaband?

- tll þess að komast fjárhagslega af?

Wilhelm Wessman skrifar: Þegar við Ólöf giftum okkur og eignuðumst þrjú börn voru engar barnabætur. Á þeim tíma þótti það nánast brottrekstrarsök að ég tók mér frí daginn sem hún kom heim af fæðingardeildinni af því að það var laugardagur, annasamasti dagur vikunnar í hótel og veitingageiranum.

Ég byrjaði að greiða í lífeyrissjóð 1968 til að geta tryggt okkur fjárhagslegt öryggi á efri árum og borgaði skatt af þeim hluta sem ég greiddi í 20 ár, eða þar til staðgreiðslan kom 1988. Ég greiði skatt í dag af þessum sömu peningum. Heitir þetta ekki tvísköttun?

Þar sem við Ólöf tókum þá ákvörðun að hún mundi vera heimavinnandi til að gæta barnanna á hún engin lífeyrissjóðsréttindi og hefur því 204.000 eftir skatt frá TR . TR skerðir mínar lífeyrisgreiðslu eftir skatt um 45 prósent þannig að ævisparnaðurinn er farinn.

Til þess að geta hreykt sjálfum sér á tyllidögum og í ræðupúlti Alþingis fundu ráðherrar og alþingismenn á ofureftirlaunum upp það snjalla bragð að greiða einhleypum eldri borgurum sem eru um 25 prósent af okkur sextíu þúsund krónum á mánuði í heimilisuppbót. Þannig geta þeir hreykt sér að því að eldri borgarar séu með 300,000 fyrir skatt á mánuði og að TR greiði hæstu eftirlaun allra landa.

Þú gætir haft áhuga á þessum

En staðreyndin er að Ísland skorar nánast lægst allra OECD landanna þegar kemur að hlutfalli greiðslu eftirlauna af VLF aðeins 2,6 prósent. Á hinum Norðurlöndunum eru lífeyrisgreiðslur hins opinbera 5,4-11 prósent af VLF og nánast óþekkt að lífeyrissjóðsgreiðslur séu skertar.

Skilnaður er því eina leiðin til að hækka launin um 60 þúsund á mánuði.


Booking.com

Tengdar fréttir sem þú gætir haft áhuga á að lesa: