- Advertisement -

Við erum því miður að tapa því veðmáli

Oddný Harðardóttir skrifaði:

Ríkisstjórnin og stjórnarflokkarnir skauta framhjá sérstakri stöðu á vinnumarkaði þegar þau dásama efnahagsleg afrek sín.

Atvinnuleysi fer vaxandi og er nú 9% á Suðurnesjum!

Viðskiptabankarnir halda að sér höndum í lánveitingu til fyrirtækja enda lítið um fýsilegar fjárfestingar í ferðaþjónustu en þar hefur fjárfestingin verið mikil undanfarin ár.

Þú gætir haft áhuga á þessum

Í niðursveiflunni er viðbúið að sumar þessara fjárfestinga muni ekki borga sig með skelli fyrir fyrirtækin, starfsfólk og lánveitendur um leið.

Mér finnst líklegast að niðursveiflan verði lengri en spár gera ráð fyrir því það mun draga úr ferðalögum á næstunni, líka hingað til lands. Ástæðan er fyrst og fremst umbreytingar sem eru nauðsynlegar og munu eiga sér stað vegna loftslagsbreytinga.

Stjórnvöld verða því að leggja nýsköpun og sprotafyrirtækjum lið af miklum þunga og styrkja fjölbreytt atvinnulíf um allt land.

Við verðum að búa í haginn núna og undirbúa ferðalagið upp úr niðursveiflunni. Það má ekki verða með eggjasöfnun í eina körfu eins og gert var þegar veðjað var á öran vöxt ferðaþjónustunnar til langs tíma með skattastyrkjum til greinarinnar og án innviðauppbyggingar á vaxtartímanum.

Við erum því miður að tapa því veðmáli.


Tengdar fréttir sem þú gætir haft áhuga á að lesa: