Mega sérfræðingar á Íslandi vænta þess að tjái þeir pólitískar skoðanir sínar, verði þær notaðar gegn þeim?
Katrín Oddsdóttir skrifaði:
Eftir að hafa lesið yfirlýsingu fjármálaráðherra um þann atvinnuróg sem hann segist ábyrgur fyrir að borinn var á Þorvald Gylfason af starfsmanni ráðuneytisins, þá hallast ég að því að hann vanmeti mjög alvarleikann sem felst í þessu máli.
Þetta minnir mig örlítið á þóttafullan tóninn hjá Hönnu Birnu fyrst eftir að Lekamálið kom upp. Hún virtist vera svo algerlega viss um að málið myndi ekki hafa afleiðingar fyrir hana í byrjun.
Sú var tíð að stjórnmálafólk gat svarað réttmætri gagnrýni með útúrsnúningum og kaldhæðni á Íslandi, það var meira að segja ákveðinn stíll sem fólk tileinkaði sér. Snautt allri auðmýkt gat það einfaldlega tuddast áfram og beint spjótum sínum að viðspyrjendum eða pólitískum andstæðingum. Snúið vörn í sókn og með tímanum lognaðist málið bara út af.
Ég vil trúa því að þessir tímar séu að mestu liðnir.
Hér teflir í grunninn um mikilvæga hagsmuni: Mega sérfræðingar á Íslandi vænta þess að tjái þeir pólitískar skoðanir sínar, verði þær notaðar gegn þeim?
Hvernig samrýmist slíkt stjórnarskrárvörðu tjáninga- og skoðanafrelsi og sjónarmiðum um mikilvægi opinnar samfélagsumræðu?
Skrifin eru fengin af Facebooksíðu Katrínar. Fyrirsögnin er Miðjunnar.