- Advertisement -

Felldu sáttatillögu Sönnu samstundis

Umboð samninganefndar Reykjavíkur er ótvírætt.

„Lagt er til að borgarstjórn hætti að varpa frá sér pólitískri ábyrgð á kjarasamningsgerð og mæti samninganefnd Eflingar stéttarfélags eins og þau hafa krafist. Kjörnir fulltrúar geta ekki varpað ábyrgðinni yfir á samninganefnd Reykjavíkurborgar. Í ljósi þess að meirihluti borgarstarfsfólks í Eflingu hefur nú samþykkt verkfall, sem er gríðarleg stuðningsyfirlýsing við samninganefnd Eflingar, er eðlilegt að borgarstjórn bregðist við kröfum þeirra og mæti þeim á þeim vettvangi sem þau kjósa.“

Þetta er tillaga Sönnu Magdalenu Mörtudóttur Sósíalistaflokksins. Tillagan var felld samstundis.

Þá bókaði Sanna: „Tillaga Sósíalistaflokksins fól í sér að borgarstjórn myndi hætta að varpa frá sér pólitískri ábyrgð á kjarasamningsgerð og myndi mæti samninganefnd Eflingar stéttarfélags eins og þau hafa krafist. Kjörnir fulltrúar geta ekki einungis varpað ábyrgðinni yfir á samninganefnd Reykjavíkurborgar og það er eðlilegt að borgarstjórn komi með virkari hætti að gera kjarasamninga þar sem fulltrúarnir koma að stjórn borgarinnar. Yfirgnæfandi meirihluti kjósanda í atkvæðagreiðslu Eflingar um verkfallsaðgerðir gegn Reykjavíkurborg samþykkti verkfallsboðun. Það er því greinilegt að aðferð Reykjavíkurborgar hefur ekki verið að virka og þörf er á breytingum. Það er nauðsynlegt að greiða starfsfólki borgarinnar sem sinnir gríðarlega mikilvægum störfum, mannsæmandi kjör og hlusta á raddir þeirra.“

Þú gætir haft áhuga á þessum
Efling.

Meirihluti Þórdísar Lóu Þórhallsdóttur brást við með þessari bókun:

„Umboð samninganefndar Reykjavíkur er ótvírætt. Ekkert kallar á breytingu á því að samið sé um kaup og kjör annars staðar en við samningaborðið. Staðan er augljóslega viðkvæm en mikilvægt er að sú samstaða haldi sem lífskjarasamningarnir staðfestu síðasta vor. Samningarnir voru undirritaðir af allri verkalýðshreyfingunni og Samtökum atvinnulífsins. Auk þess var í lífskjarasamningnum sérstök yfirlýsing ríkisstjórnarinnar um tekjuskatt, fæðingarorlof, barnabætur, húsnæðismál, lífeyrismál, félagsleg undirboð, hagstjórn, verðlag og verðtryggingu ásamt einföldun regluverks og eftirlits. Þá hefur lífskjarasamningurinn þau skýru ákvæði að lægstu laun hækki umfram önnur laun. Tilboð borgarinnar í öllum viðræðum hafa endurspeglað áherslur lífskjarasamningana enda hafa öll verkalýðsfélög landsins sem lokið hafa samningum, samið á grunni þeirra, bæði við undirritun og í þeirri samningalotu sem nú stendur yfir.“


Tengdar fréttir sem þú gætir haft áhuga á að lesa: