- Advertisement -

Forgangsröðun fjármuna

Hér stunda stjórnvöld nefnilega skipulagða glæpastarfsemi sem gengur út á að veikja með fjársvelti alla okkar.

Ólafur Þórarinsson.

Ólafur Þórarinns, Labbi í Mánum, skrifar:

„Ég vil taka fram í byrjun að mér finnst gott að vita til þess að fé úr sameiginlegum sjóðum okkar sé notað til hjálpar fólki sem hefur mátt þola meiri hörmungar en orð fá lýst, svo sem mansal, kynlífsþrælkun og stríð.

Sumir halda að peningarnir sem fara í aðstoð við þetta vesalings fólk skerði hlut bágstaddra Íslendinga. En svo er ekki því þótt hingað kæmi ekki einn einasti flóttamaður væri ekki sett króna til viðbótar í þau skylduverkefni sem auðvitað ættu að hafa forgang, þar sem börn og fullorðnir eru að örkumlast og deyja á margra ára biðlistum eftir úrbótum.

…sem svo leiðir af sér spillingu, kúgun og mútugreiðslur .

Hér stunda stjórnvöld nefnilega skipulagða glæpastarfsemi sem gengur út á að veikja með fjársvelti alla okkar samfélags þjónustu og stofnanir þar sem allt er látið grotna niður svo hægt sé að réttlæta einkavæðingu hægri vinstri. Með því fá ómenni sem hafa grætt á óförum annara endurnýjað aðgengi að sjóðum landsmanna. Þetta er gert þótt allar kannanir sýni að taumlaus einkavæðing hafi allstaðar leitt til aukinnar misskiptingar sem svo leiðir af sér spillingu, kúgun og mútugreiðslur .

Í stað þess að veita fjármunum okkar til brýnna verkefna er þeim ausið í óseðjandi auðmangara sem soga til sín stærstan hluta þjóðarteknanna samanber sægreifa og laxmenn sem fá auðlindirnar nánast frítt auk lægstu skattheimtu sem um getur. Til að bíta hausinn af skömminni er mokað í þá ríkisstyrkjum í milljarða tali meðan þjarmað er að Jóni og Gunnu og lífsstarfi þeirra jafnvel fórnað á altari Mammons.

Ég hvet fólk til að lesa þessa vel rökstuddu samantekt Ástu og Ragnars á slóðinni hér að neðan um þessi mál.

https://www.visir.is/g/20232471841d/bankaranid-mikla


Auglýsing

Tengdar fréttir sem þú gætir haft áhuga á að lesa: