- Advertisement -

Framsóknarkona ósatt við RÚV

Halla Signý Kristjánsdóttir er ósátt við Sigríði Dögg Auðunsdóttur og fréttastofu Ríkisútvarpsins. Framsókn minnir svo sannarlega á sig. Flokkurinn er hluti af fjárveitingavaldinu. Lífæð Ríkisútvarpsins.

„Ég geri þá kröfu til fréttamiðla og þá sérstaklega ríkisútvarpsins að þeir greini rétt frá staðreyndum og fari ekki með fleipur. Ég hef alltaf borið mikla virðingu fyrir RÚV og fundist það eigi að standa undir því hlutverki að vera flaggskipið í fjölmiðlaheimi landsins, þó sérstaklega fréttastofan.

Frétt RÚV bar yfirskriftina „Hafa flutt flestar stofnanir út á land“ undir þá skilgreiningu féll einstaka verkefni eða svið einhverrar stofnunar og margt tínt til jafnvel ný verkefni sem sett voru laggirnar. Látum vera þótt einhverjir ráðherrar hafi villst á milli kjördæma það skiptir ekki máli. En tilgangur fréttarinnar var skýr og uppleggið skakkt, sjónarhornið var að störfin eiga heima í Reykjavík.

Þar sem virðing mín fyrir fréttamönnum er nokkur þá ætlast ég til að fréttamenn leggist betur yfir svona umfjöllun og hafi hana rétta og skoði líka heildarmyndina.

Þessi fréttaflutningur RÚV kallar á gagnrýni og viðbrögð og það þarf ekki að kveinka sér undan því,“ skrifar þingkonan.

Sigríði Dögg varð á að segja að Jón Kristjánsson hafi verið þingmaður Norðvesturkjördæmis, en hann var í gamla Austurlandskjördæmi, og síðar Norðausturkjördæmi. Framsókn hengir sig á þetta atriði.


Auglýsing

Tengdar fréttir sem þú gætir haft áhuga á að lesa: