Icelandair fellur niður ferðir hægri vinstri og sumar bara með tveggja daga fyrirvara.
Katrín Baldursdóttir skrifar:
Aðalforsenda íhaldsaflanna fyrir að veita Icelandair 15 milljarða ríkisábyrgð er að fyrirtækið haldi upp nauðsynlegum ferðum til og frá Íslandi. Það sé þannig kerfislega mikilvægt. En hvað er að gerast hér! Icelandair fellur niður ferðir hægri vinstri og sumar bara með tveggja daga fyrirvara. Eyðileggur ferðaplön Íslendinga alveg svakalega, svo ekki sé talað um fjárhagstjón. Á sama tíma standa útlend flugfélög við sínar skuldbindingar og fella ekki niður ferðir.
Mér finnst Icelandair ákaflega óábyrgt og andstyggilegt félag í höndunum á þeim mönnum sem stjórna því. Starfsfólkið er þó skrautfjöðrin en stjórnendur traðka líka á því. En svona er þetta! Atvinnurekendur hafa valdið sín megin, verkalýðshreyfingin er því miður svo veik. Þess vegna kemst Icelandair upp með allan þennan hrylling sem það býður uppá.