- Advertisement -

Mogginn miðar enn á flokk Ingu Sæland

Ritstjóri Miðjunnar skrifar:

„Van­still­ing­in inn­an og um­hverf­is stjórn­ar­ráðið er orðin held­ur mik­il og von­andi að stjórn­arþing­menn og ráðherr­ar fari að átta sig á stöðu sinni og ábyrgð. Í gær var send­ur út á mbl.is þátt­ur­inn Spurs­mál und­ir stjórn Stef­áns Ein­ars Stef­áns­son­ar blaðamanns og bar þar margt á góma eins og jafn­an. Hanna Katrín Friðriks­son at­vinnu­vegaráðherra svaraði þar meðal ann­ars spurn­ing­um og hafði frá mörgu að segja,“ segir í Staksteinum Moggans í dag.

„Það vakti þó at­hygli að áður en viðtalið var sent út (en að vísu eft­ir að það var tekið upp þó að bráðræðið sé mikið) hafði einn stjórn­arþing­manna og verðandi formaður at­vinnu­vega­nefnd­ar þings­ins, Sig­ur­jón Þórðar­son, tjáð sig um viðtalið af mikl­um þjósti.“

Svo segir í Staksteinum:

Væri ekki ráð að þing­menn Flokks fólks­ins…

„Sig­ur­jón lét það ekki þvæl­ast fyr­ir for­dóm­un­um að hann hafði ekki séð viðtalið en veitt­ist að blaðamann­in­um og taldi ráðherr­ann hafa orðið fyr­ir „fyr­ir­sát“. Sú meinta „fyr­ir­sát“ var þó ekki annað en að ráðherr­ann var spurður út í aug­ljósa hags­muni Sig­ur­jóns sjálfs af því að fjölga dög­um í strand­veiðikerf­inu að kröfu Flokks fólks­ins.“

Úr því að Mogginn talar um hagsmuni þingmanna þarf að klára söguna. Sigurjón þingmaður á part í trillu. Mikið rétt. Annar þingmaður er stærri í sniðum. Sá er í fámennum þinghópi Sjálfstæðisflokks, Jens Garðar Helgason. Hann hefur verið formaður SFS og hefur verið þar til nú einn helsti stjórnandi Kaldvíkur sem hefur náð að setja sjókvíar í fjörð eftir fjörð. Margfalt stærra mál en trillupartur nafna míns Þórðarsonar.

Lok Staksteina eru svona:

„Og ekki veitti af að spyrja ráðherr­ann um þetta, því að Sig­ur­jón hafði ber­sýni­lega ekki haft fyr­ir því þar sem ráðherra kom af fjöll­um. Væri ekki ráð að þing­menn Flokks fólks­ins færu að hætta árás­um á blaðamenn fyr­ir það eitt að spyrja spurn­inga eins og þeim ber að gera? Hafi þing­menn ekk­ert að fela ættu spurn­ing­arn­ar að vera fagnaðarefni.“

Ég ef verið blaðamaður í meira en 40 ár. Enginn stjórnmálamaður hefur verið jafn leiðinlegur, hefnigjarn og hrokafullur og Bjarni Benediktsson fráfarandi formaður Sjálfstæðisflokksins.


Tengdar fréttir sem þú gætir haft áhuga á að lesa: