Þessir milljarðamæringar stunda gegndarlausan stuld á auðlindum okkar.
Katrín Baldursdóttir skrifar:
Þetta er Kristján Loftsson forstjóri Hvals hf. Hann ásamt fleiri stórútgerðarmönnum stjórna landinu leynt og ljóst og hafa stjórnmálamenn í vasanum í krafti auðs og valda. En hann er ásamt fleiri stórútgerðarmönnum stórþjófur. Þessir milljarðamæringar stunda gegndarlausan stuld á auðlindum okkar. Kristján stelur líka af launafólki, borgar ekki samkvæmt samningum og reynir að meina starfsmönnum sínum að vera í verkalýðsfélögum.
Hann er svo ósvífinn að starfsmennirnir þurftu að fara í mál við hann til að fá launin sín. Kristján vill þræla sínu fólki út án þess að borga því umsamin laun. Allt þetta glæpsamlega atferli er í boði ríkisstjórnarinnar, sem þorir ekki fyrr sitt litla líf að gera neitt til að styggja stórþjófana. Og Þorstein Má hjá Samherja má alls ekki styggja þó hann hafi stöðu sakbornings vegna stórfelldra efnahagsbrota á alþjóðavísu. Það er þyngra en tárum taki að horfa upp á þetta. Þessir spilltu stjórnmálamenn sem nú stjórna landinu verða að víkja.