Magnús Guðbergsson skrifar:
Fór á stúfana að kaupa kvóta í dag.
Hvað haldið þið ekkert til sölu og ef hann fæst þá kostar tonnið 2.900.000 kr.
Eða kílóið óveitt 2900 kr.
Og í stærra kerfinu er þetta eins nema verðið þar er 3.900 kr. kg.
Hvað gerir þessi tonn svona verðmæt.
Lánað í þetta 60 % af kaupverði.
Afurðaverð 200-350.000 kr ca tonnið.
Þetta dæmi gengur tæplega upp ef menn vilja byrja útgerð.
Getið þið sýnt okkur hinum hvernig bankar sjá sér hag í að hafa kvóta sem tryggingu fyrir lánum sem standa ekki undir sér.
Með því að veiða á markað og selja.
Mögulega er þetta hægt með svindli á ísprósentu og láta mannskapinn fá uppgert miðað við verð sem stenst ekki markaðsverðlag og framhjálöndun. Í allskonar formi.
Eða ég er bara heimskur og átta mig engan veginn á hvernig dæmið gengur upp nem því annars að kaupa upp útgerðir sem fer fækkandi.
Og búa til nýtt verðlag á kvótann um leið.
Og þannig plástra sárið sem myndast við hvert ár sem tap ætti að vera á.
Og í leiðinni bjarga bréfum bankans frá að lenda í ruslflokki hjá lánardrottnum og fjárfestingarsjóðum sem og lífeyrissjóðum okkar landsmanna en hvað gengur þessi flétta lengi ef allt er að verða komið á hendur fárra.
Jú þá kemur ný krafa um að litla kerfið ódýrara verði sett upp í það stóra til að þessi leikur stoppi ekki alveg strax, þaraðleiðandi þurfa landsmenn svo að burðast með skuldir þeirra á bakinu næstu aldir sem fáeinir tóku út og hafa fjárfest með því annars staðar um heim allan.
Enda er útgerð bara sýndarleikur til að taka út fjármagn til að færa í annað um heim allan. Og fasteignum innanlands sem hefur fært verð fasteigna upp á örskömmum tíma sem hefur að sama skapi gert leigu hér innanlands mjög háa sem kemur fram í vöruverði og fl.
Þar af leiðandi er kerfið alltaf að taka meir og meir upp úr veskjum landsmanna.
ÞETTA ER BESTA FISKVEIÐIKERFI Í HEIMI.
EN EINHVERJA HLUTA VEGNA VIRKAR ÞAÐ EKKI TIL AÐ STÆKKA AUÐLINDINA.